نكات خطيره

واحد جاء لاابوه وقال ليهو يا بابا انا عايز موبايل
ابوه قال ليهو : طيب لو لقيت موبايل رخيص كلمنى
الولد لقى موبابل وجاء لى ابوه وقال ليهو : يلا اشتريهو لى
ابوه قال ليهو اسمو شنو
قال ليهو : دمعة
قام الابو ناطى قال ليهو : مافي كمونية



مرة واحد هو وابنه اول مرة يشوفوا الاسنسير بس شايفين الحيطة تتفتح وتقفل وهم ما فاهمين حاجة ...المهم جات واحدة عجوزة ضغطت على الزر الفي الحيطة ودخلت الاسنسير وبعد شوية الاسنسير نزل وطلعت منه شابة حلوة الراجل طوالي قال لولدو : اجري جيب امك هنا بسرعة




أبكر رسل جواب غرامي لي حفصه
وكل كلمتين يكتب اه
قالت ليهوا : والله يا ابكر كلامك شائري وهلو
لكن بس الواهد وهمسين دي ما إرفتا مساريف ولا شنو ؟



فى طفل امه اشترت ليهو حلاوة و ماشى فى الشارع قامت الحلاوة وقعت فى الخور
امه قالت ليهوا ما ترفعها شماها الشيطان
الولد زعل وعمل نايم
اها ماشين فى الشارع امه وقعت فى الخور !
قالت ليهوا ياولد ارفعنى
قال ليها شماك الشيطان



غراب مسطول قاعد في شجرة بياكل في قطعة جبنة
جاء الثعلب وقف تحت الشجرة وقال ليهو غني لينا ياغراب
الغراب طلع الجبنة وختاها جنبو في الشجرة
وقال للثعلب : انت قايلني غراب سنة رابعة العوير الزمان داك ؟

مشكور بلاك ع النكاااات

الله يشكرك حبي ع الرد الحلو