الفلافل وكوندليزا

هلااااااااو حشاشه وحشاشات

كيف انتم يا معشر التحشيش

يقولون ان ابو سفيان خرج بتجارة الى الشام

فلنذهب ورائم الى يثرب


اليوم رح اسولفلكم عله قصتي من فتحت محل فلافل


ومن جتني (كوندليزا رايس) لمحل الفلافل ورادت مني 300 لفة فلافل

لان جان عدها عزيمة بالبيت الابيض..


مرة اني كاعد بالمحل وشغل ماكو ووجهي يكتل ذبان

شو عله غفله طبكت طيارة يم المحل ..

ونزلت وحدة اني شايفها بس وين مدا اعرف ...


المهم كالت ( مرهبا) اني هم كلتلاها ( مرهبتين) ..

تعرفون هي ما تعرف تحجي عربي خطيه

بس من كد ما تحل مشاكل العرب اتعلمت اشويا بس امكسر

يوم بلعراق ويوم السودان ويوم لبنان خطية الله يساعدها ويشيلها ...


المهم كالت ( انت ما يورفني) كلتلها بلي عرفتج بس انت غير ما نشوفج بالتلفزيون ..


كالت ( يعني اهلى ولا ما اهلى) تقصد احلى لو مو احلى..

اني هم كلتلها لا بالحقيقة هوااية احلى..


ما اطول عليكم كالتلي

( هباب اريد تلاتمية لفة فلافل بدون ساس وزود الانبة شويا) تعجبها العنبة ...!!!..


وكملت التوصية واتحاسبنا وشلعت كلبي بالحساب ؟؟؟؟ ...


وضليت كاعد يومين احشي فلافل وطماطة وخس وخليت عنبة سفري هم ،

الى ان كملت اللفات

واخذت كيا لي لندن ومن هناك طيارة لواشنطن ...


فوصلنا واشنطن بس شنو ...ضيعت بيت كوندليزا ..


وضلينا نفتر اني وابو الطيارة الى ان شفتها دتنشر هدوم فوك بالسطح وكبل نزلنا بالسطح ...


وانطيتها اللفات وانطتني الحساب بس ناقص مال 20 لفة كالت على راس الشهر ..!!!


واني هم اخذت تكسي حتى ارجع للمحل لان عايف المحل وحده ..


وبنص الطريق عطلت سيارة التكسي ...شون شغلة بلا....


المهم اتبين العطل انو السيارة ينرادلها ماء بالكابريتر ...؟؟شنو الحل ..؟؟شنو الحل؟؟؟..


جتي طيارة من فوكانه وصيحت عليهم طلعوا من اليابان فما افتهموا عليا ..؟؟


الى ان ابو التكسي شاف بطلين حليب فكلي لكيت حليب يرهم ؟؟؟


كلتلا اي عادي وجبنا الحليب وخليناه مكان الماء ومشينا .........


وبنص الطريق اباوع ورانه اشوف السياره كامت تطلع جبن من اللكزوز ... !!!!!!!!!!


ومن هذاك اليوم حلفت يمين بعد ما اوصل طلبات خارجية ...


حتى خابرني توني بلير راد 400 لفة بس ما قبلت ..

بعدين يتعلمون وتطلع عيونهم ..

لان نص النهار كضيته خارج المحل..




اي واحد يريد فلافل الله عليكم
يروح يشتري شنو مخلفكم وناسيكم اني





انشالله عجبتكم